Фудбалскиот клуб Шкендија Тетово официјално потврди дека постигнал договор со рускиот премиерлигаш Ахмат Грозни за трансферот на дефанзивецот Клисман Цаке.
По четири и пол сезони минати во тетовскиот клуб, Цаке ќе ја продолжи кариерата во Русија, откако двете страни го финализираа договорот. Од Шкендија информираат дека трансферот е реализиран по заемна согласност и во интерес и на клубот и на фудбалерот.
Клисман Цаке беше дел од „црвено-црните“ од јануари 2022 година и во тој период одигра вкупно 133 официјални натпревари во сите конкуренции. Тој даде значаен придонес во освојувањето на шампионската титула и во историскиот пласман на Шкендија во групната фаза од УЕФА Конференциската лига.
Од клубот му се заблагодарија на Цаке за професионалниот однос и придонесот во изминатите сезони, посакувајќи му многу успех во новата средина и понатамошната кариера.