Почитувани сограѓани,
Илинден претставува најголемиот национален македонски празник кој има посебно значење за историјата на македонскиот народ и останатите народи кои живеат на територијата на Република Македонија. Тој во себе ги обединува клчучните моменти од македонската историја и тоа Илинденското востание во 1903 година, и Првото заседание на АСНОМ 1944 година. Овие два датуми во себе го содржат стремежот и вечната борба за слободна и самостојна македонска држава.
Во оваа прилика би сакал да изразам длабока благодарност за сите оние борци кои го жртвувале својот живот и ја пролеале својата крв, за сега да живееме во слободна и независна Македонија. Денес, можеби како никогаш до сега, сме исправени пред предизвикот да ги сочуваме овие придобивки и да продолжиме по патот кој ни го трасирале нашите предци, но и да не заборавиме дека само со мир и заедништво се гради и развива една држава.
Нека ни е честит и вековит празникот Илинден!