Ние не сме воени профитери, туку поради намалената маржа ќе мора да ги затвориме бензинските станици, повторно излегоа со реакција од Здружението на брендирани и приватни бензински станици. Претседателот, Ѓорѓи Хубрев, вели дека претходно планирале до Владата да достават барање за покачување на маржата со која и претходно тешко се опстојувало. Меѓутоа, сега само добиле намалена маржа, повисоки давачки и исплата на плати за своите работници.
„Уште пред месец дена баравме состанок со Владата, на кој ние ќе баравме покачување на маржата, а не намалување, бидејќи покачена е и цената на струјата. Примерво 2019 година цената на струјата беше 3,5 денари денес цената на струјата е 24 денари. Покачувањето на платите на вработените сѐ е епокачено“ – вели Хубрев.
Друг избор освен затворање на бензинските нема, вели Хубрев. Дополнително, реагираат и на поимот „воени профитери“ со кој беа наречени, бидејќи, како што велат, тие не заработуваат на грбот на народот, а имаат само загуба во последниов период. Намалената маржа е проблем и за склучените тендери.
Инаку, на денешната собраниска седница од 15:00 часот Собранието одлучува за намалувањето на ДДВ и акцизата, што дополнително ќе ги намали цените на горивата и ќе придонесе за загуба за бензинските станици.
Лаура Стојанова М-Нет