Денес во просториите на „куќата на фудбалот“ беше извршено делегирањето на официјалните лица (судиите,делегати и контролори) за натпреварите од првото коло во рамките на Првата Македонска фудбалска лига. На „градски“ во Штип натпреварот Брегалница – Шкупи им е доверен на кичевска судиска четворка, главен судија ќе биде Александар Грујовски, помошници ќе му бидат Куштрим Лика и Зоран Јанкуловски, а четврти судија ќе биде Марјан Дејановски. За Контролор во Штип е делегиран Марјан Кировски од Скопје а Делегат ќе биде Антонио Насевски од Кратово. Интересно нашите сознанија велат дека поради пандемијата на „градски“ ќе присуствуваат 30 % на навивачи и тоа предност ќе имаат оние со сезонски билети, а раководството на Брегалница има барање за присуство на 500 гледачи. Еве ги комплетните двојки за ова првo коло :
- Брегалница – Шкупи
- A.Пандев – Струга ТЛ
- Работнички – Борец
- Тиквеш – Шкендија
- Ренова – Скопје
- Македонија ЃП – Пелистер
Сите натпревари ќе се одиграат во недела 8 август со почеток во 17.30 часот.
Драги Герасимов – Пушка Mnet.mk