Репрезентацијата на Македонија до 17 години забележа два порази на контролните натпревари со Турција, кои беа одиграни на гостински терен.
Младите фудбалски надежи на селекторот Влатко Колев загубија со 1:0 на првиот тест, а стрелец на победничкиот гол за турската репрезентација беше Хусеин Шен, кој погоди во 30. минута. Сепак, македонската репрезентација имаше свои моменти и шанси, но не успеа да ги реализира шансите кои беа создадени во вториот дел. Најголемата шанса беше на Јаков Стојковски, а пак во вториот дел имаат прилики и Папалиски и Џангаровски, но без реализација.
Вториот контролен меч нашата репрезенација го загуби со 2:1. Емин Ерен Сајар во 41. минута погоди за водство на Турција од 1:0 на полувреме. Во вториот дел нашата репрезентација стигна до 1:1 со голот на Јаков Стојковски во 55. минута од средбата, откако претходно во првиот дел имаше одлична шанса Марко Иванов.
Во финишот од мечот Јагиз Фикри Шен погоди за конечни 2:1 и триумф на репрезентацијата на Турција.
Овие два контролни натпревари беа реална можност за селекторот Влатко Колев да ја виде сликата за репрезентацијата и притоа да ја провери формата на младите репрезентативци.
Александар Ванев, М-Нет