Фудбалската федерација на Македонија (ФФМ) официјално информираше дека утре, петок, на 23 јануари 2026 година, ќе се одржи извлекувањето на четвртфиналните парови од Купот на Македонија. Настанот ќе започне во 12:00 часот во просториите на „Куќа на фудбалот“ во Скопје, каде претставници на клубовите ќе ги дознаат своите следни ривали во најмасовното фудбалско натпреварување во државата.
Во оваа фаза од натпреварувањето се пласирани осум екипи кои ќе се борат за пласман во полуфиналето: Охрид Лихнидос, Детонит Плачковица, Струга ТЛ, Силекс, Шкендија Арачиново, Работнички, Вардар и Шкендија.
По одиграните осминафинални натпревари, овие тимови останаа на победничкиот список и ќе учествуваат во ждрепката што традиционално предизвикува големо внимание кај фудбалската јавност, бидејќи можат да произлезат мошне интересни дерби пресметки уште во четвртфиналето.