Од Одделението за образование при Општина Штип дознаваме дека во прво одделение за учебната 2020/2021 година запишани се вкупно 364 ученика и тоа во ООУ „Гоце Делчев“ 47, во ООУ „Тошо Арсов“ 72, ООУ„Домитар Влахов“ 116, ООУ „Славејко Арсов“ 34 и ООУ „Ванчо Прке“ 95.
Ова е досегашната бројка на поднесени документи, но, секоја година во септември и август се поднесуваат нови документи, за деца кои со своите семејства се ангажирани на сезонска работа во други градови.
Што се однесува до средните општински училишта, вкупно поднесени се 540 документи за упис. Најголема заинтересираност има за СОУ „Коле Нехтенин“ со 199 пријави, потоа за средното медицинско „Јане Сандански“ 170, во Гимназијата „Славчо Стојменски“ доставени се 156 пријави, а во текстилното СОУ „Димитар Мирасчиев“ 15.
За Средното музичко училиште, односно ДМУЦ „Сергеј Михајлов“ заинтересирани се 51 ученик, од кои 23 за музичар теоретичар и 28 за музичар изведувач.
БИЛЈАНА ПОСТОЛОВА / МНет
Снимател ГОРАН ХРИСТОВСКИ
Монтажа ВИКТОР МИХАЈЛОВСКИ