Утре на Градскиот стадион во Кавадарци со почеток од 17 часот ќе се одигра баражот за Првата македонска фудбалска лига меѓу Беса која како прволигаш ќе бара опстанок и Башкими кој како второлигаш сака влез и враќање во елитата.
Главен судија на натпреварот во Кавадарци ќе биде Стојанче Трчевски, а ќе му помагаат Тоше Ицев и Дарко Видиниќ, а пак Кирил Смоквоски ќе биде четврт судија на мечот.
Финална битка и 90 минути до остварување на целта. Беса ја делат 90 минути од опстанокот во Прва лига, а пак Башкими е пред портите на Првата лига и го дели еден меч тимот од Куманово да се врати во елитата.
Градскиот стадион во Кавадарци ќе биде местото каде ќе се добие последниот патник во Првата лига за сезона 2025/2026.
Александар Ванев, М-Нет