В недела ќе се одиграат натпревари од осмата рунда на Првата македонска фудбалска лига, познати се и судиите кои ќе ја делат правдата на истите.
Игор Стојчевски ќе им суди на Тиквеш и Силекс, меч кој ќе се одигра на Градскиот стадион во Кичево, откако теренот во Кавадарци беше суспендиран, Стојанче Трпчевски ќе ја дели правдата на мега дербито во Тетово меѓу Шкендија и Вардар.
Марјан Младеновски ќе биде задолжен за правдата на дуелот меѓу шампионот Струга Трим Лум и лидерот на табелата Гостивар, Фуркан Идирзии ќе им суди на Беса и Воска Спорт.
Александар Грујоски ќе ја дели правдата на скопската пресметка меѓу Работнички и Шкупи, а пак Влатко Илиоски ќе им суди на Брера Струмица и Пелистер.
Натпреварите ќе започнат во 14 часот.
Александар Ванев, М-Нет