Тетовски костен по 200 денари пред Нова Година се продава на пазарот во Штип. Прекупци од Кочани го купуваат од Тетово и продаваат по пазрите во истокот. Велат нема што да кријат, кога не го одгледуваат, ама знаат дека е чисто природен и македонски. Граѓаните го зимаат, а тие се задоволни, бидејќи како што велат веќе 30 години се занимаваат за ова.
Костените во Тетово, според информациите на продавачот се собираат во октомври, а потоа тие одат да купат и да го распродаваат во истокот.
Инаку, граѓаните пополека се подготвуваат за Бадник, купуваат од се по нешто, како сушено овошје, ореви, бадеми, костени. Иако според нив цената е висока, сепак велат достојно и годинава мора да се пречекаат празниците и да се собере на трпеза семејството.
Иван Митев, М-Нет