Утре со седум натпревари ќе се отвори второто коло на Втората лига, а ќе се затвори во недела со мечот под рефлектори меѓу Беласица и Скопје.
Познати се и судиите кои ќе ја делат правдата на натпреварите од втората рунда.
Марјан Младеновски ќе им суди на Тетекс и Детонит Плачковица во Тетово, главен судија во Виница каде ќе играат Слога и Големо Коњари ќе биде Здравко Костовски од Штип.
Дуелот меѓу Шкендија Арачиново и Охрид ќе го суди штипјанецот Стојанче Стојанов, а пак во Кочани каде ќе се соочат Осогово и Преспа главен судија ќе биде Игор Иванов од Велес.
Во Прилеп ќе се одигра натпреварот меѓу Победа и Каменица Саса, а за правдата ќе биде задолжен Блаже Петковски. Кожуф на домашен терен ќе игра против Новаци, а Ангел Гелов ќе биде главен арбитар.
Вардар Неготино на домашен терен ќе ја пречека Брегалница од Штип, а правдата ќе ја дели Александар Василевски од Скопје.
Колото се комплетира в недела со натпреварот под рефлектори меѓу Беласица и Скопје од 19:30 часот, а правдата ќе ја дели Фуркан Идризи од Тетово.
Александар Ванев, М-Нет