Започнаа градежните активности за изградба на нова конзола во централното градско подрачје во Штип. Со изградбата на оваа конзола се проширува улицата „Маршал Тито“ , една од најпрометните улици во Штип и се обезбедуваат повеќе паркинг места. Изградбата на конзолата ќе се гради етапно во повеќе фази, а вкупно се издвоени шест милиони денари.
„Работните активности се во насока на изградба на нови конзоли со цел проширување на улицата Маршал Тито во централното градско подрачје. Оваа улица има потреба да биде проширена. Оваа делница е во вкупен износ од шест милиони денари, но ќе се работи фазно. Во првата фаза се издвоени три милиони денари за конзолите.“ – вели Јорданов.
Како што истакна Јорданов, улицата останува еднонасочна, но ќе се овозможи косо паркирање на возилата и зголемен број на паркинг места. На ваков начин се работи на зголемување на безбедноста во сообраќајот за сите учесници.
„Ќе се овозможат повеќе паркинг места, оти ќе се овозможи косо паркирање на возилата. Улицата ќе остане еднонсочна“ – додава Јорданов.
Активностите на терен продолжуваат и во наредниот период, на разни локации во Штип, во повеќе населени места. Целта е да се подобри инфраструктурата, а Штип да добие модерен и подобар изглед.
Лаура Стојанова Ќирчов, М-Нет