Некогашниот прволигаш Еуромилк ГЛ ги започна подготовките за новата сезона во Третата македонска фудбалска лига – Север со тренинг под рефлектори.
Нов тренер на екс прволигашот е Жанко Савов, а тренинзите ќе се одржуваат секојднено со почеток од 20 часот.
Еуромилк ГЛ во сезона 2013/2014 настапуваше во Првата македонска фудбалска лига, но заврши на деветтото место на табелата и испадна директно во Втората македонска фудбалска лига. Следната сезона 2014/2015 Еуромилк ГЛ преку бараж опстана во Втора лига откако во двомеч баражот славеше над Зајази, а во сезона 2017/2018 Еуромилк ГЛ заврши на седмото место во Втора лига – Запад и испадна во Трета лига – Север, а потоа испадна и во Општинската фудбалска лига во Кисела Вода или Четврта лига.
Сега Еуромилк ГЛ има подобра организација, а со новиот тренер Савов ќе се работи на засилување на ростерот за новата сезона во следниот период. Костурот на тимот е сочуван, а истиот ќе се надополни со квалитетни засилувања со што Еуромилк ГЛ ќе се бори за првото место и баражот за можно враќање во Втората лига.
Александар Ванев, М-Нет