Општина Штип оттуѓува четири парцели со намена за лесна иднустрија во населбата Три Чешми. На веб страницата Градежно земјиште обајавата е во тек. Градежните парцели се со различни површини,а идните сопственици можат да градат приземје и два ката. Бруто развиената површина е од 3500 до 8000 метри квадратни.
„Овие четири градежни парцели се со намена индустрија или три од нив се со намена Г2 а тоа е лесна преработувачка и помалку загадувачка индустрија, а една од нив е индустрија за склопување на финални производи, сервиси и слично. Се работи за градежни парцели кои се со различни површини, од 2000 до 4000 метри квадратни и тоа на овие градежни парцели потенцијалите купувачи би можеле да изградат приземје и два ката или бруто развиена површина од 3500 до некаде околу 8 000 метри квадратни.“ – вели Шорова – Ангелова.
Почетната цена е 61 денар за метар квадратен, но потребна е и банкарска гаранција во износ од 300% од вредноста на самата парцела.
„Почетната цена е 61 денар метар квадратен. Сите заинтересирани во склоп на целата документација треба да достават и банкарска гаранција во износ од 300% од вредноста на парцелата. Објавата ќе трае до 7 јули, а аукцијата е на 9 јули 2025 година“ – додава Шорова Ангелова.
Освен за лесна индустрија изминатиот период во населбата Три Чешми се продаваа и плацеви за домување. Моментално се работи на патната инфратсруктура и канализациона и водоводна мрежа за да можат да се оттуѓат и останатите парцели за домување.
Лаура Стојанова Ќирчов, М-Нет