Фудбалерите на ФК Работнички ќе одиграат два пријателски натпревари во воведната фаза од подготвителниот период, со што ќе започне тестирањето на формата и ростерот пред продолжението на сезоната.
Првиот контролен меч е закажан за 18 јануари со почеток од 13:00 часот, кога Работнички на стадионот во Маџари ќе се соочи со ФК Шкупи. Четири дена подоцна, на 22 јануари од 13:30 часот, „романтичарите“ повторно на истиот терен ќе одиграат пријателска средба против ФК Охрид.
Двата натпревари ќе бидат одиграни на Стадион Маџари, а ќе послужат како добра можност за стручниот штаб да ја провери моменталната подготвеност на екипата и да им даде шанса на повеќе фудбалери во пресрет на натпреварувачките предизвици што следуваат.