Алармантен е квалитетот на воздухот во Штип, воздухот е токсичен и опасен за граѓаните истакнаа денеска на прес конференција од ОО на СДСМ Штип. Од таму излегоа со низа конкретни мерки кои би требало според нив да се преземат во наредниот период со цел да се намали загадувањето на воздухот во Штип.
„Предлагаме конкретни мерки. Донесување одлука за субвенционирање за набавка на еколошки системи за затоплување во јавните објекти, субвенции за набавка на велосипеди, субвенции за чистење на оџаците, за набавка на топлински пумпи, сончеви колектори, инвертер клима и други чисти технологии. Општината да им помогне на социјално загрозените семејства при набавка на енергенс за затоплување. Да се започне со интезивно зазеленување на јавните површини во градот, како и редовни контроли на инсталациите со Б интегрирана дозвола.“ – вели Иванов.
Од ОО на СДСМ Штип апелираат надлежните под итно да преземат соодветни мерки со цел да се намали загадувањето на воздухот и штиппјани да може да излезат надвор и да дишат чист воздух.
Лаура Стојанова М-Нет