Четврото коло на Првата ракометна лига го донесе првиот сезонски пораз за ракометарите на штипски Текстилец, кој на гостување кај Партизан беа поразени со резултат со 41:37.
Натпревар кој донесе висок број на постигнати погодоци, но бодовите останаа дома, а за штипјани ова е прв пораз.
Мулти Есенс беше убедлив против Аеродром за триумф од 34:27, додека пак Младост го доби соочување со Ѓорче Петров со 29:32.
Во Свети Николе имаше висока победа откако домашниот Овче Поле го декласираше Кичево со 44:25, а пак Преспа со 32:26 славеше над Шампион.
Вардар Неготино ја оправда фаворитската улога со убедлива победа над Јехона со резултат од 39:25.
Александар Ванев, М-Нет