1200 пациенти бесплатно ќе ја примаат вакцината против сезонскиот грип во Штип. За разлика од претходната година, годинава вакцинацијата ќе ја реализираат вработените во Здравен дом „Панче Караѓозов“- Штип, наместо вработените во Центарот за јавно здравје. Одлуката е донесена бидејќи на пунктовите во Центарот за јавно здравје секојдневно се земаат брисеви и се прават епидемиолошки испитувања, а вработените се борат со корона кризата. Обезбедените бесплатни 1200 вакцини им се достапни на граѓаните од вчера и се даваат во приземјето на зградата – вели директорката на Здравен дом, Снежана Трајковска. Обезбедени се и 1700 комерцијални вакцини по цена од 800денари. Вакцинацијата против сезонски грип многу тешко може да се закаже преку матичните лекари на „Мој термин“.
Лаура Стојанова М-Нет