Фудбалскиот клуб Пелистер информираше дека натпреварот од 2. коло против Брера нема да се одигра на стадионот „Петар Милошевски“ во Битола, туку на Градскиот стадион во Кавадарци.
Причината за промената на местото на одигрување се активностите за обновување на тревната подлога на битолскиот стадион. По консултациите со ЈП „Комуналец“ – Битола и Фудбалската федерација на Македонија, донесена е одлука дуелот со Брера да се одигра во Кавадарци.
Од Пелистер истакнуваат дека одлуката е донесена со цел да се обезбедат најдобри можни услови за одигрување на натпреварот.
Посебно добра вест за навивачите е што влезот на Градскиот стадион во Кавадарци ќе биде слободен за сите посетители.
Пелистер така упати благодарност до сите инволвирани страни за разбирањето и соработката околу организацијата на натпреварот.