Општина Штип од денеска до 13 октомври има објавено повик за ангажирање на невработени жени за вршење на јавни работи, информираше на денешната прес-конференција Секретарот на општина Штип, Вишна Шорова-Ангелова. Таа истакна дека оваа мерка е предвидена согласно програмата за еднакви можности на општина Штип за 2026 година и целта на оваа мерка е да бидат ангажирани невработени жени кои што се над 55 години и невработени жени- мајки на деца со попреченост.
“Првата категорија на жени ќе имаат работно време од 8 часа, додека втората категорија на жени ќе имаат половина работно време, односно работно време од 4 часа.Целта на оваа мерка е да се помогне да се исчистат и да се работи на зелените површини, на јавните површини, површините меѓу зградите во нивно чистење на сите на отпад, садење на цвеќиња, полевање на истите и така натаму, односно работи коишто се поврзани со хигиената и урбаното зеленило на територија на општина Штип.”, вели Шорова-Ангелова
Таа ги повикува сите оние заинтересирани, односно невработени жени над 55 години или мајки на деца со попреченост, да го отворат повикот на веб-страницата на општина Штип, да се информираат подетално за истиот, да ги извадат потребните документи и да аплицираат во предвидениот рок до 13 октомври 2026 година.
Иван Митев, М-Нет