Одржана првата обука за пчелари почетници на одржлив начин на пчеларникот на брана Грдаче во Кочани. Претходно се одржаа и две други обуки само за плечари почетници и обука за напредни пчелари. Оваа обука е подржани од Министерството за образование и наука и сертификатите кои ги добиваат учесниците се признаети. Финансирана е од Швајцарската амбасада, а учесници има од цела држава и мажи и жени.
„Пчеларите самостојно ќе можат да ја извршуваат обуката и ќе бидат оспособени да пчеларат на одржлив начин. Тоа е многу специфично и е иднината на пчеларството затоа што нема да употребуваат хемикалии кои штетно влијаат на медот, на пчелните продукти и на пчелите“ – кажа Ванчо Кировски, Претседател на „Меден Исток“
На обуката учесниците имаа можност да научат повеќе работи и спецификации поврзани со пчелите, а во меѓувреме тоа практично да го испробаат на пчеларникот на брана „Градче“.
Учесниците во обуката се задоволни од начинот на кој се одвива истата, како од теоретскиот така и од практичниот дел. Секое учество е со иста цел пчеларите почетници да знаат како да одгледуваат и да се фрижат за пчелите, а истовремено да правата здрав мед.
Обуката започна на 20 мај годинава, а ќе се спроведува до 15 септември. Бројот на учесници е ограничен заради ковид пандемијата, односно 15 лица имаат можност по обуката самостојно да одгледуваат пчели. Теоретскиот дел се слуша во две групи, а практичниот се спроведува на отворено на пчеларникот на Брана Градче во Кочани.
Лаура Стојанова М-Нет