Со панихида во новоселската црква „Успение на Пресвета Богородица“, денес беа одбележани 96 години од убиството на некогашниот лидер на ВМРО, Тодор Александров.
Тодор Александров е роден на 4 март 1881 година, во Ново Село, штипско, во семејството на свештеникот Александар Поп-Орушев и Марија. Бил ученик во бугарското машкото 3-то класно и педагошко училиште во Скопје, каде се вклучува во македонското револуционерно движење.
Револуционерната дејност на Тодор Александров опфаќа три периода: првиот период од 1897 до 1911, вториот од 1911 до 1918 и третиот – од 1918 до 1924 година.
Убиен е на 31 август 1924 година, на Пирин Планина кај селото Лопово.
На панихидата, присуствуваа членови на ОК на ВМРО-ДПМНЕ, предводени од координаторот и пратеник во Собранието, Иван Јорданов и членови на патриотското Здружение „Тодор Александров“ и жители од Ново Село.
Присутните потоа почит кон ликот и делата на Тодор Александров оддадоа и на неговиот гроб во Ново Село.
БИЛЈАНА ПОСТОЛОВА / МНет.мк