Фудбалскиот терен во штипската населба Баби каде во минатото настапуваше некогашниот фудбалски клуб Баби наместо да биде место каде фудбалерите ќе тренираат, ќе се играат фудбалски натпревари, теренот е место за пасење на стадо со овци.
Жална е сликата што се случува со фудбалскиот терен во ова штипска населба.
Фудбалскиот клуб Баби во минатото настапуваше во Терта лига – Исток, а во сезона 2012/2013 штипскиот клуб обезбедува учество во Втората македонска фудбалска лига. Меѓутоа ФК Баби во второлигашкото друштво останува само една сезона, како второлигаш заврши на 14. место и играше бараж за опстанок, кој го загуби од Зајази со минимални 0:1 и со тоа испадна во Трета лига.
По испаѓањето од Втора во Трета лига – Исток екипата на ФК Баби продолжува со натпреварување уште неколку сезони, а потоа клубот згаснува и повеќе не се натпреварува.
Стадионот во штипската населба Баби останува само да сведочи за некогашните натпревари кои се играле тука, да сведочи дека тука некогаш тренирале фудбалери, а денес наместо фудбалери гледаме стадо со овци.
Александар Ванев, М-Нет