Масовна посетеност во црквата во штипско Ново Село по повод денешниот празник Рождество на Пресвета Богородица. Верниците запалија свеќи и се помолија за здравје, мир, среќа и бериќет. Велат ова е еден од поголемите празници кои се слави, а тоа се докажуваше и преку посетеноста во црквата како од утринава така и вчеравечер.
„Мојата порака до сите православни христијани е да живеат во мир, слога, среќа. Да дава Господ благодет за сите, мир и спокој.“ – велат анкетираните
На 21-ви септември секоја година православните христијани го слават празникот посветен на раѓањето на пресвета Богородица, познат и како Рождество на пресвета Богородица.
Мајката на Исус Христос, Марија е позната и како Светата Мајка, Блажена Марија, Дева Марија, Богородица, а денешниот празник, кој се слави околу 1 месец по празникот по повод нејзиното упокојување, се нарекува уште и Мала Богородица.
Пресвета Дева Марија се родила од своите стари родители Јоаким и Ана, кои веќе биле остарени, а немале деца. Тие му се молеле на Бога со плач да им подари едно чеда, па така Бог им ја подарил ќерката и Божјата Мајка.
Марија, попозната како Богородица била родена во Назарет, а 3 години подоцна била одведена во храмот јерусалемски, од каде што пак се вратила во родното место и таму jа слушнала благовеста на Светиот Архангел Гавриил за раѓањето на Синот Божји од нејзиното девствено тело.
На денешен ден се слави нејзиното раѓање, а овој празник има големо значење за христијаните.
Се верува дека Богородица е заштитничка на мајките и воопшто на леунките, а нејзе треба да ѝ се помолат и жените што наскоро треба да се породат за да имаат полесно породување.
Исто така, се верува дека таа им помага и на жените што се борат за потомство, па затоа на денешен ден, тие носеле дарови во црква и се молеле пред нејзината икона.
Лаура Стојанова, М-Нет