По подолга пауза кик боксерот на Гладијатор од Штип Никола Нацев ќе настапи на едно големо меѓународно натпреварување. На 24 и 25 април Никола Нацев ќе настапи на традиционалниот и реномиран турнир „Трофеј Белград“ на кој ќе настапат покрај македонските и натпреварувачи од домакинот Србија;Црна Гора, Бугарија, Хрватска и БиХ.
Според информациите од тренерот Шенол Асанов за Белград ќе патуваат тој и Никола Нацев бидејќи поради пандемијата е ограничен бројот на учесници па така и составот на Гладијатор е некомплетен и сведен само на еден натпреварувач, иако со одлични резултати се покажа и докажа и Славче Арсов. Затоа Никола Нацев ќе се обиде да го надополни тоа и ќе настапи во две дисциплини и тоа во Кик – лајт и во Поин фаит во категорија од + 94 кг. Вообичаено Никола Нацев се одликува со исклучително борбено срце и префинета техника и во клубот посакуваат да се закити со вреден трофеј.
Драги Герасимов – Пушка Mnet.mk