Под мотото „Носи кацига, вози безбедно, вози одговорно“ денеска во Штип се спроведе капања во реализација на отсекот за превенција при СВР Штип и РСБСП, а во рамки на прокетот Безбедно лето 2022. Оваа кампања е насочена кон возачите на мотори, велосипеди и електрични тротинети.
„Ваквите превентивни активности очигледно ја подигаат нивото на свест кај сите учесници во сообраќајот, а на тој начин придонесуваат за намалување на бројот на жртви. Овие превентивни активности очигледно даваат резултат и во бројот на намалени жртви во сообраќајниците како што во првите шест месеци оваа година има четири жртви споредбено со истиот период лани кога имало шест жртви.“ – кажа Панајотова.
Во акцијата учесниците во сообраќајот, односно моторциклистите, велосипедистите и возачите на електричен тротинет добија едукативен материјал со цел да ги следат препораките и да нема жртви во сообраќајот.
„Во активноста беа поделени едукативни летоци, возачите на мотоциклистите добија маички, вода и леток, кои се за почитување на сообраќајните правила и носење на потребната заштитна опрема.“
Од СВР Штип уште еднаш апелираа сите учесници во сообраќајот да ги почитуваат сообраќајните правила и прописи со цел побезбедени патишта.
Лаура Стојанова М-Нет