Македонските второлигаши продолжуваат со промоција на нови играчи за следната сезона.
Беласица го договори и претстави искусниот Коста Манев, кој доаѓа од редовите на прволигашот Брера Струмица, а 32-годишниот Манев носи големо меѓународно искуство во редовите на струмичкиот второлигаш предводен од Александар Стојанов.
Низ својата кариера Манев настапуваше за повеќе екипи од Финска, а во Македонија покрај за Брера Струмица беше дел и од Вардар и Македонија ЃП, а исто така настапуваше и во Босна и Херцеговина за екипата на Вележ Мостар, како и за Ал Калдија од Бахреин.
Радовишки Детонит Плачковица кој го предводи Горан Здравков има нов играч – се работи за Никола Сарески, 20-годишно лево крило кое доаѓа од редовите на Кожуф од Гевгелија, а низ својата кариера фудбалерот од Тетово има настапувано за Љуботен, Тетекс и Победа од Прилеп.
Новата сезона во Втората лига ќе започне на 23 август.
Александар Ванев, М-Нет