За дел од купувачите „изгор скапо“, за дел исти цени. Последниот пазарен петок во Штип со голема раздвиженост на градскиот пазар. Увозните производи сѐ уште се со високи цени, а домашното производство полека бележи пад на цената. И покрај цените, од утринава штипјани во голема мера беа излезени да ги купат потребните производи.
За салата и овој петок не се купува домат оти цената стои висока, јагодите и црешите, пак, неделава се најактуелни. Веќе им е сезона, па бележат пад на цената од 20 до 30 денари. Купувачите со поделено мислење за состојбата на градскиот пазар.
Сепак, и продавачите беа задоволни од побарувачката, и купувачите од понудата. Најмногу се бараа пиперките, зелката и краставиците, но интерес имаше и за овошјето.
Ребека Спасова М-Нет