Во рамки на 25. коло од Втората лига се одигра дербито на Истокот во Радовиш каде Детонит Плачковица со голот на Стефан Бабунски триумфираше над Беласица со 1:0.
Со овој триумф радовишани веќе се сигурни патници за третото место и баражот за Прва лига.
Тренерот на Детонит Плачковица, Иван Варадиновски за М Нет вели дека успеале да освојат три бодови, но било далеку од лесно.
Варадиновски вели дека откако неговиот тим и математички ќе го обезбеди третото место односно баражот ќе прават анализа на можниот противник од Првата лига, бидејќи таму е густо во долниот дел од табелата
Тренерот на Беласица, Александар Стојанов за М Нет велид ека пад во концентрацијата во пресуден момент го реши победникот во Радовиш.
Радовишани во следното коло ќе гостуваат кај Новаци, а пак Беласица ќе биде домаќин на Кожуф од Гевгелија.
Александар Ванев, М-Нет