Високите дневни температури го оставија полупразен пазарот во Виница. Се пазаруваше рано наутро, за да се избегне топлотниот бран. Продавачите под чадор, со шише вода, и денеска ги нудеа своите производи на виничкиот пазар. Велат цените се реални за овој период од годината и достапни за џебот на граѓаните. Има и доволно производство, а побарувачката е релативно добра.
„Просечно, плус минус тука сме стандар некој, навикнати сме. Жешкото посебна приказна, тешко и во полето и тука. Сабајле имаше поголема раздвиженост, сега сите бегаат од жешкото. И на нас ни е тешко. Производство има, цените се реални, може и подобро ама немаат луѓето пари“ – велат продавачите.
Речиси идентично како и претходната среда, купувачите велат дека цените се без драстични промени и достапни согласно нивните примања.
„Добри се цените, жешко само многу. Оној кој има пари ќе си купе повеќе, другите купуваат помалку.“ – додаваат купувачите.
Домати, краставици, пипер, компир, како и сезонското овошје најбарани на пазарот во Виница денеска. На тезгите се нудеше и ориз, мед, ракија, како и текстил.
Лаура Стојанова М-Нет