Одбојкарките на Младост УГД од Штип во рамки на 11. коло на Првата женска одбојкарската лига славеа висока победа над Струмица со 0:3 во сетови.
Во првиот сет штипските одбојкарки со 16:25 го добија сетот, додека пак во вториот сет струмичанки пружија силен отпор, но штипскиот тим беше подобар со 23:25. Во третиот сет немаше доволно сили кај струмичанки, како да ги потрошија силите во вториот сет, па третиот сет Младост УГД го доби со високи 13:25.
Фит Фан Волеј со доминантна игра со 3:0 го декласираше „фенерџијата“ Ускана од Кичево. Првиот сет заврши со 25:15, вториот сет со 25:11, а пак третиот сет со 25:19.
Работнички иако со 3:0 во сетови славеше над Вардар ЕМ, сепак се намачи на теренот за да ги добие овие три сетови. Првиот сет заврши со 25:22, вториот сет со 25:23, а третиот со 25:21.
Лидерот Јанта Волеј КВ со 3:1 го доби Наковски Волеј, откако првиот и вториот сет ги доби лидерот со 25:21 и 25:18. Во третиот сет Наковски Волеј со 20:25 намали на 2:1. Во четвртиот сет фаворитот го доби истиот со 25:22.
Во однос на табелата Јанта Волеј КВ со 32 бодови, втор е Работнички кој има 28 бодови, Наковски Волеј со 26 бодови е на третата позиција.
На четвртото место е Фит Фан Волеј со 17 бодови, а пак Младост УГД од Штип е на петтата позиција со 13 бодови. Вардар ЕМ е шестти со осум бодови, Струмица Жени се наоаѓаат на претпоследното место со шест бодови, а на дното со само два бодови е „фенерџијата“ Ускана од Кичево.
Александар Ванев, М-Нет