Виолинистката Марија Илиева од Штип утревечер ќе биде дел од програмта на овогодинешното издание на „Штипско Културно Лето“. Добра подготвена програма со познатите композиции на Пијацола, Сарасате, Вивалди и други се дел од нејзиниот концепт за утрешниот концерт. „Ќе се претставам со програма за сите сетила за пошироката публика“, вели Илиева и додава дека е огромна нејзината чест што ќе биде дел од културата за Штип.
„Чест ќе ми биде, после толку години настап во мојот роден град нормално, а огромна е честа и задоволството да настапам на овогодишното издание на ШКЛ 2024. Ќе се претставам со програма што ќе биде за сите сетила за пошироката публика и се надевам дека ќе уживаат. Имаме програма од Коре лип, Пијацола, Сарасате, Вивалди, така што ќе имаме од повеќе периоди и затоа е и насловот на овој проект насловен како „Музички времеплов“ вели Илиева
Учество на самиот концерт ќе зеде и нејзиниот колега и пијанист Симеон Иванов и топло ги покануваат сите заинтересирани сограѓани за да уживаат во оваа музичка симбиоза
“Ќе се претставам заедно со мојот колега Симеон Иванов на пијано и нормално јас Марија Илиева на виолина. Концертот ќе се одржи во уметничката галерија Безистен, влезот е слободен од 20 часот и се надевам на присуство од пошироката публика, колеги штипјани, сограѓани. Мислам дека ова ќе биде добра прилика за присуствуваат и мислам дека ќе уживаат во овој концерт“ додава Илиева
Марија Илиева последен пат има настапувано во 2006 година на тогашното издание на ШКЛ и за нејзе, ова е повторна чест за да се претстави во свое светло. Инаку, таа е и професор по виолина во средното музичко училиште „Сергеј Михајлов“ во Штип
Лаура Стојанова, М-Нет