Женскиот ракометен клуб Вардар активно работи на ростерот за новата сезона од Суперлигата, со што продолжува да потпишува и промовира нови ракометарки.
Дедниот бек Марија Голабоска од Стружанка е најновото засилување за тимот на Вардар кој е предводен од Анжела Платон.
Голабоска минатата сезона беше меѓу најдобрите играчи во тимот на Стружанка.
Во новата сезона дресот на Вардар ќе го носи и Сара Богоевска, која во Вардар пристигнува од редовите на Куманово каде настапуваше изминатите три сезони.
Прилепчанката игра на позицијата лев бек, а пред Куманово настапуваше и за Деспина.
Од клубот засега си заминаа сестрите Бојана и Борјана Коцеви, кои го засилија тимот на Металург Автокоманда, односно преминаа во директниот градски ривал.
Александар Ванев, М-Нет