Дали КБ Штип ќе остане без доволно медицински кадар? Граѓаните се плашат дека ќе останат без поголем број на медицински сестри и доктори од Клиничка болница Штип, бидејќи вработените заминуваат на работа во приватни клиники. Според информации на М-Нет телевизија станува збор за над 20 вработени кои се во план да заминат на работа во приватно здравство.
Дали и колку вработени се најавени дека ќе заминат од штипска болница, директорот Ален Георѓиев во телофнски разговор за М-Нет телевизија истакна дека конкретна бројка сѐ уште нема. Вели дека кога ќе има официјално заминнување ќе се знае колку вработени ќе направат трансфер, и без колку вработени ќе остане КБ Штип, која ги опслужува граѓаните од целиот Источен регион.
Моментално, според директорот Ѓеоргијев има доволно вработени кои ги задволуваат потребите на граѓаните од Штип и регионот.
Лаура Стојанова М-Нет