Екипата на Марино која се натпреварува во Општинската фудбалска лига во Гази Баба или Четврта лига, го реконструираше теренот за новата сезона со што значително се подобрени условите на истиот за новата сезона.
Покрај самиот терен санирани се и соблекувалните, а Марино за новата сезона гради тим за влез во Трета лига – Север.
Во новата сезона во ОФЛ Гази Баба покрај екипата на Марино ќе се натпреваруваат и екипите на Бујковци, Гоце Делчев, Дељадровци, Долно Коњари, Илинден, Инџиково, Маџари Солидарност, Петровец и Ускуп, откако екипата на Скопско Поле се откажа.
Во рамки на првото воведно коло Марино сезоната ја отвара против некогашниот третолигаш Илинден на гостински терен.
Новата сезона од ОФЛ Гази Баба започнува в недела.
Александар Ванев, М-Нет