Македонската фудбалска репрезентација претрпе убедлив пораз од Турција со 4:0 на пријателскиот натпревар одигран во Истанбул, кој за домаќините беше последна контрола пред настапот на Светското првенство.
Турците фуриозно го отворија мечот и уште во воведните минути стигнаа до предност, наметнувајќи силно темпо кое избраниците на македонскиот селектор тешко го следеа. Домашната селекција поведе уште во 2. минута преку Оркун Кокчу, а предноста ја удвои Џан Узун во 16. минута за водство од 2:0 на полувремето.
Во вториот дел избраниците на турскиот селектор продолжија со доминацијата. Дениз Ѓул погоди во 53. минута за 3:0, додека конечните 4:0 ги постави Бариш Алпер Јилмаз во 70. минута, со што Турција ја потврди својата надмоќ за конечни 4:0.
Македонија имаше моменти во кои се обидуваше да воспостави рамнотежа на теренот, но расположениот противник не дозволи изненадување. Турската репрезентација покажа зошто важи за една од селекциите кои со оптимизам патуваат на Мундијалот, додека македонскиот национален тим ќе има што да анализира по овој натпревар.
Иако резултатот не е во корист на „рисовите“, ваквите дуели против силни репрезентации се важен тест и можност за стекнување искуство пред претстојните официјални натпревари.
Поразот во Истанбул сигурно нема да ја наруши атмосферата во македонскиот табор, но ќе послужи како добра лекција и показател на што треба да се работи во периодот што следува.