Екипата на Радовиш одново забележа пораз за нив трет и со тоа останува и натаму без бодови, но одново радовишани беа блиску до позитивен исход откако загубија 27:24, од екипата на Пролет во рамки на 3. коло на Суперлигата.
Во првиот дел резултатот беше 14:13, но во вториот дел Пролет направи посериозна предност и го доби мечот. Давор Палевски со седум погодоци беше најдобар кај домашниот тим, а кај гостинот тоа беше Здравко Постолов.
Бутел го доби соочувањето со Прилеп со 35:30 благодарение на одличното прво полувреме бидејќи на пауза скопскиот тим имаше шест гола предност.
Куманово дома доживеа нов пораз откако дома загуби од повратникот Еурофарм Пелистер 2 со резултат од 28:30.
Третото коло донесе и две дерби пресметки, а кои се играа во Скопје. Екипата на Вардар квалитетно се намачи со цел да го добие Охрид, а исходот беше 33:31, каде Урош Митровиќ имаше осум гола за домашниот тим, а пак Вуко Борозан постигна шест гола од осум бодови. За охриѓани Дарко Дукиќ имаше осум гола од 12 обиди.
Големото дерби во Автокоманда заврши без победник, Алкалоид и актуелниот шампион Еурофарм Пелистер ремизираа играјќи 33:33.
Тимот на Кирил Лазаров може да жали за ваквиот резултатот бидејќи натпреварот го имаше во свои раце и дозволи битолскиот тим да си замине непоразен и со освоен бод.
Тордарсон кај Алкалоид беше најпрецизен со седум од седум, а пак пет од пет имаше Борзаш, додека пак Дамјан Митев имаше шест погодоци. За Еурофарм Пелистер капитенот Филип Кузмановски имаше десет погодоци, а шест од девет имаше Дејан Манасков.
Колото се затвара вечер со мечот меѓу Струга и Тиквеш од 18:30.
Александар Ванев, М-Нет