Во лоша состојба е кровот на штипскиот театар. При секој дожд истиот тече и преставува проблем за нормално функционирање на установата. В.д. Директорката на НУЦК „Ацо Шопов“ Штип, Кристина Атанасова-Арсова, истакна дека ова е најприоритетниот проблем кој треба да биде решен. Додава дека во наредниот период заложбите ќе бидат во контекст со сопствена продукција да се реализираат проекти.
„Во решавањето најголемиот приоритетен проект е протекувањето на кровот во театарот кој треба како инвестиција да го средиме и секако кадровските решенија односно вработувањета на технички персонал со кој ќе можеме покрај финансирањето на проектите од страна на министерството, да можеме и ние во сопствена продукција да изреализираме уште неколку прокети во текот на годината“ – вели Атанасова-Арсова.
Проблемите кои се мапирани во институциите во културата во Штип, беа презентирани и пред министерот со цел да се добие поддршка за нивно решавање.
„Културата е битна нишка во секое културолошко битисување и не треба да ја оставиме на забот на времето, туку напротив треба да иницираме работа, креативност, грижа, пректи и настани, а за тоа ќе добиеме поддршка.“ -додава Атанасова-Арсова.
Од вечерва започнуваат преставите во штипскиот театар.
Лаура Стојанова М-Нет