Екипата на Мал Ајакс го загуби дербито од дното на 7. коло во Првата футсал лига губејќи во Крива Паланка со 6:5 од Осогово. Натпреварот донесе многу возбуда, страст и неизвесности, а херој за домашниот тим е Кристијан Ивановски кој погоди во последните секунди од мечот и така обезбеди втора радост за Осогово, а Мал Ајакс се враќа во Штип со празни раце и останува на дното од табелата.
Бојан Иванов за Осогово постигна хет-трик, а по еден гол постигнаа Кристијан Станојковски и Кристијан Ивановски, а пак за гостите од штип Иса Дурмишов постигна два гола, но притоа си постигна и автогол, Сердар Синанов беше стрелец на два гола, а Теодор Наков на еден гол.
Фаворитите одиграа според планот – Проект со 1:5 го декласираше Шкупи во гости, шампионот Форца со 10:6 го доби Јувентус Серава, Кеги Моби беше пресилен за Клими со 1:6, а пак Бутел ја доби голеадата со дебитантот Балкан со 9:4.
На челната позиција како непоразен лидер е Проект со максимални 21 бод, Форца е втора со тоа што бранителот на двојната круна има 18 бодови, Кеги Моби е трет со 15 бодови, а пак Бутел е четврти со десет бодови.
По девет бодови имаат Клими, Јувентус Серева и Балкан за делба на петтото место, Осогово е осми со шест бодови, а во опасната зона е Шкупи како претпоследен со четири бодови и штипски Мал Ајакс како последен со три бодови.
Александар Ванев, М-Нет