Виничанката Маријана Николова активна со два тековни проекта. За проектот „Поетска среда, книжевен петок“ вели дека идејата се родила во текот на карантинските денови. Причината за ваков проект е непресушиот извор на песни од наши поети и писатели великани. Како што вели таа, истите вреди да бидат слушнати и прикажани на читателскита публика во еден поразличен формат.
Проектот „Даскалот“, пак, нејзе како македонист ѝ е особено драг. На таква идеја дошла имајќи го предвид огромниот број граматички грешки кои ги среќаваме. Сакала на еден поинаков начин да ги потенцира правилата за правилно говорење и пишување. Како што вели таа, македонскиот јазик е наш и треба да си го учиме и знаеме.
Инаку, Маријана активно пишува и самостојно. Вели дека прозата и е при срце, повеќе од поезијата. Таа досега има објавено две книги: романот „Необична приказна“ и збирката раскази „Капка неиспиена љубов“, а најавува и трета книга.
Маријана вели дека сака да го негува пишаниот збор и преку интерпретација и преку пишување, па за неа е особено задоволство кога работи на вакви проекти.
Ребека Спасова МНет