Брегалница со реми (1:1) против Силекс во Штип се збогува од Прва лига, во последниот натпревар од 33. коло.
Филип Стојчевски погоди за “сините”, а Дамјан Манасиевски за Силекс.
Реми од 1:1 меѓу Воска Спорт и Гостивар. За домаќинот погоди најдобриот стрелец Алекса Марушиќ, а за гостинот Рејјан Абази.
Брера со убедливи 5:3 ја испрати Македонија ЃП во Втора лига. Ивковиќ и Мато беа двојни стрелци, а еден гол постигна Олаосебикан.
Величковски и Ларсон погодија за “лавовите” од Ѓорче.
Реми од 2:2 меѓу Вардар и Тиквеш. Николовски и Сушњара стрелаа за Вардар, а Даноски и Пузиревскис за Тиквеш.
Работнички дома загуби со 0:2 од Шкендија со головите на Красниќи и Аганспахич.
Шампионот Струга со пораз од Шкупи од 1:2 ја заврши сезоната. Шабани погоди за Струга, а Рамани и Аворнуо за Шкупи.
Струга е шампион, Шкендија втора и оди во Европа, Шкупи трет.
Брегалница и Македонија ЃП испаднаа во Втора лига, а Вардар ќе игра бараж за опстанок со Детонит Плачковица.
Александар Ванев, М-Нет