ФК Шкендија Арачиново официјално го промовираше најновото засилување во своите редови – Зани Назифи, кој во продолжението од сезоната ќе настапува како крилен напаѓач.
Од клубот информираат дека Назифи ќе донесе дополнителна брзина, креативност и офанзивна опасност по страните, што треба значително да ја унапреди напаѓачката игра на екипата. Неговиот динамичен профил и целосна посветеност на теренот се очекува да придонесат за зголемување на конкуренцијата и квалитетот во офанзивниот ред.
Раководството и стручниот штаб му посакаа многу успех со црвено-црниот дрес, како и успешна сезона исполнета со позитивни настапи и заеднички резултати, со надеж дека новото засилување ќе биде важен фактор во амбициите на Шкендија Арачиново за Прва лига.