Во стилот на познатите фудбалски екипи од Европа и од светот, раководството на ФК „Брегалница“ се реши за воведување на популарните сезонски билети. Според информацијата од Извршниот Директор на Брегалница, Емил Тодев цената на сезонскиот билет ќе изнесува 1500.00 денари и тој билет ќе важи за сите домашни натпревари во текот на целата првенствена и куп сезона. Прволигашката сезона започнува веќе во недела 8 август и Брегалница на „градски“ во Штип ќе се сретне со тимот на Шкупи при што ќе важат сезонските билети, но според информациите кои се однесуваат до ковид протоколите ќе има присуство на 30 % на навивачи. Во тој случај приоритет на посетеност ќе имаат навивачите со сезонски билет. Во случај на прекин на првенството или забрана од здравствените власти за присуство на публика, тогаш паричните средства ќе се вратат на имателите на сезонски билет.Во првото коло од првенството на Првата Македонска фудбалска лига ќе се сретнат :
- Брегалница – Шкупи
- А. Пандев – Струга ТЛ
- Работнички – Борец
- Тиквеш – Шкендија
- Ренова – Скопје
- Македонија ЃП – Пелистер
Сите натпревари ќе се одиграат во недела 8 август со почеток во 17.30 часот.
Драги Герасимов – Пушка Mnet.mk