Три нови згради ќе никат кај Паркот на фармацијата во населба Дуизлак во Општина Штип. На празниот просотор кој се наоѓа веднаш до спортското и детско игралиште е предвидено да се изградат згради за домување, кои ќе бидат со високо приземје и четири ката. На терен граѓаните кои живеат во овој дел од градот се со поделено мислење дали овде треба да има згради или не.
„Не би требало, паркот е направен за деца да си играт, зеленило да има. Сега ќе се уништува зеленилото.“
„Нека прават, има место каде да се изградат згради и ќе остане и простор за зеленило“
Трите градежни парцели веќе се објавени за продажба со намена А2 домување во станбени згради.
„Согласно ова заинтересираните субјекти би можеле да учествуваат на акуција и д абидат понудувачи. “ – додава Хаџи Николов.
За првата парцела објавата трае до 29 март оваа година, а наддавањето е закажано за на 31 март. За другите две парцели објавите се до 4 април, а наддавањето е на 6 април. Според најповолна понуда идните сопственици веднаш штом ќе добијат договор, може да извадат градежна дозвола и да започнат со градба. Законски имаат период од девет месеца за добивање градежна дозвола, две години за отпочнување на градба и десет години за целонсно завршување на градбата.
Лаура Стојанова М-Нет