Во прилепското село Црнилиште секоја година традиционално се одржува еден од најголемите турнири во мал фудбал „Црнилиште Куп 2023“.
Интересот за овој турнир од година во година е се поголем, а на истиот учество земаат екипи од цела Македонија. Турнирот важи за еден од најдобро организираните во нашата држава. Пред две години турнирот го отвори македонскиот репрезентативец Езѓан Алиоски, а пак лани турнирот го отвори претседателот на Фудбалската федерација на Македонија (ФФМ), Муамед Сејдини.
Пријавувањето е веќе започнато, а екипите може да се пријават најдоцна до 10. јуни, бројот на екипи е органичен до 32 екипи, а веќе има пријавено повеќе од десетина екипи.
Ждрепката е закажана за 11. јуни, а турнирот ќе биде отворен три дена подоцна, односно на 14. јуни. Големото финале е закажано за 5. јули.
Котизацијата за учество по екипа е 4.000 денари, а турнирот ќе се игра по систем на бод со професионални судии.
За прво место наградата изнесува 100.000 денари, за второто место е предвидена парична награда од 60.000 денари, а пак за третопласираната екипа награда од 30.000 денари. Дополнително ќе има и индивидуални награди за најдобрите играчи на турнирот.
