Кикбокс клубот Гладијатор Фајт од Штип овој викенд на Државното првенство направи вистинска „жетва“ на медали, откако клубот успеа да освои шест златни медали, три сребрени и два бронзени медали.
Ваквите резултати се должат на одлични подготовки изминатиот период под водство на тренерот Шенол Асанов, и помошникот тренер Викторија Варадинова.
Интензивните подготовки овозможија доминација на „гладијаторите“ на Државното првенство во Скопје, од каде се враќаат со 11 медали, а штипскиот клуб настапи со 12 натпреварувачи.
Антонија Тасева освои две злата, едно во категорија -60 килограми, а второ во -65 килограми кадет.
Јован Јанковски носи златен медал како кадет во минус 52, Леонтина Миткова во -65 килограми јуниор златен медал, Баже Јанев во минус 32 килограми кадет златен медал, исто така во иста конкуренција златен медал освои и Михаил Јанев.
Андреја Милошевска освои сребрен медал како јуниор минус 65 килограми, а пак во конкуренција на кадети Петра Долдурова имаше сребрен медал во минус 65 килограми, како и Јован Јанковски во минус 57 килограми.
Кадетите Максим Иванов и Димитар Иванов освоија бронзи, едниот во минус 32 килограми, а другиот во минус 47.
Овие резултати се поттик и мотив повеќе во иднина за уште подобри резултати на натпреварувачите на „Гладијатор фајт“.
Александар Ванев, М-Нет