20 годишно Moмче со адуи излетало од пат во Делчево, маж се превртел со трактор во радовишко. Констатирани тешки телесни повреди на возачите и еден сопатник
На 02.11.2025 во 19:11 часот во ОВР Делчево е пријавено дека на патот Делчево-с.Ѕвегор, делчевско, патничко возило „ауди а4“ со делчевски регистарски ознаки, управувано од М.А.(20) од с.Ѕвегор, излетало надвор од коловозот. Во несреќата со тешки телесни повреди се здобиле возачот М.А. и 19-годишната сопатничка А.М. од с. Нов Истевник, делчевско, констатирани во Клиничката болница Штип. Извршен е увид од увидна екипа од ОВР Делчево.
Имено во истиот ден и во 11:20 часот во ОВР Радовиш, од Итната медицинска помош Радовиш е пријавено дека кај нив со тешки телесни повреди бил донесен И.А.(50) од с.Подареш, радовишко. Според пријавеното, управувајќи трактор на некатегоризиран пат во атар на с.Смиљанци, радовишко, изгубил контрола и се превртел со тракторот. Извршен бил увид од увидна екипа од ОВР Радовиш.