Со барање за долгорочно решение, за проблемот со домување на семејствата кои живеат во старата касарна во Општина Кочани, денеска е избран изведувачот на Комплексот Дом за престој на незгрижени лица. Со ова на нови локации во Општина Кочани, ќе се изградат нови домови за лицата кои живееле и сеуште живеат на оваа локација, во северниот дел на Кочани, Источно од Фабриката за вода.
„По третиот обид за најповолен изведувач за изградба на куќичките на лица сместени во старата касарна конечно е изберен изведувач и очекуваме овие денови да го потпишаме договорот по што ќе почне извршување на работите и завршување на овие објекти во кои ќе бидат сместени овие лица“ – истакна градоначалникот на Општина Кочани, Илијев.
Проектот опфаќа изградба на 7 типски куќи од цврста градба. Изведувачот ќе работи на земјени, ѕидарски работи, надворешна и внатрешна столарија, водовод, канализација и електрика. Временскиот рок предвиден за изградба на овие типски куќи е 15 месеци, се очекува во најкраток рок да биде потпишан договорот со изведувачот и да се започне со реализација на проектот.
Лаура Стојанова М-Нет