ФК Вардар продолжува со засилувањето на својот состав, а ново име во „црвено-црниот“ табор е Сирики Дијабате.
Станува збор за 23-годишен фудбалер од Брегот на Слоновата Коска, кој игра на позицијата централен дефанзивец и во Вардар пристигнува како нова опција за одбранбената линија.
Дијабате е висок 192 сантиметри, што дополнително треба да донесе цврстина и физичка моќ во последната линија на тимот.
Од клубот го претставија како ново засилување со кое Вардар ќе влезе во новите предизвици со амбиции за остварување на позитивни резултати.
За 23-годишниот стопер ова ќе биде нова етапа во кариерата, а тој ќе има можност да се докаже во дресот на еден од најголемите македонски фудбалски клубови.
Сирики Дијабате е новото дефанзивно решение за Вардар – „црвено-црните“ добиваат висок и физички моќен стопер во својата одбрана.