РАЗВОЈНАТА БАНКА ОБЈАВИ ПРОДАЖБА НА НЕДВИЖЕН ИМОТ ВО ШТИП – НАДДАВАЊЕТО ЌЕ СЕ ОДРЖИ НА 15 СЕПТЕМВРИ
Развојната банка на Северна Македонија АД Скопје објави оглас за продажба на недвижен имот по пат на усно јавно наддавање, а меѓу понудените недвижности се наоѓа и имот во Штип.
Станува збор за недвижен имот во КО Штип 4, заведeн како КП бр. 8678 и имотен лист бр. 21883. Имотот е со површина од 56 квадратни метри, а во катастарот е наведен како култура „градежно неизградено земјиште“, на кое има бесправно изграден објект на ниво приземје.
Почетната цена за штипскиот имот е утврдена на 958.496 денари.
Покрај имотот во Штип, Развојната банка на јавно наддавање ќе понуди и недвижен имот во Скопје, во КО Карпош, со површина од 80 квадратни метри, со почетна цена од 9.192.013 денари.
Усното јавно наддавање ќе се одржи на 15 септември 2026 година, во просториите на Развојната банка на Северна Македонија АД Скопје, на улица „Димитрие Чуповски“ бр. 26 во Скопје, со почеток во 12:00 часот.
Заинтересираните лица треба навреме да ги проверат условите и роковите за пријавување, како и целокупната документација поврзана со наддавањето. Подеталните информации се достапни во официјалниот оглас на Развојната банка.